Wizkid vs Davido: Why I dey side with Davido for this generation

See my brother, I know say this one go make some people vex but I no fit keep quiet again. Everywhere I turn, people dey argue Wizkid better pass Davido. But make we reason am small. Davido dey drop hits wey cross every market, every wedding, every club from Aba to London. His music na the soundtrack of Nigerian happiness. Wizkid dey sing for people wey don already dey cruise. Davido dey sing for the person wey still dey hustle to cruise.

I dey tell you, when Davido release 'Fall', that song carry the whole world. No be small thing. And the way he dey carry himself for public, always smiling, always spending on people, always showing love to up and coming artists. Wizkid dey act like we suppose bow anytime he enter room. I no get time for that kind energy.

Na my opinion o. If you love Wizkid pass, no vex. But tell me one Wizkid song wey fit compete with 'Assurance' for wedding reception. I dey wait.