My shop almost collapse because I trust wrong person again

I don tell myself many times, but I still fall into the same trap. Last week, one woman wey I know from church come beg me to help her with some goods on credit. She say her husband sick and she need to sell fast to pay hospital bill. My heart go out for her.

I give her rice, sugar, and oil wey cost almost ₦85,000. She promise to pay back within one week. That was two weeks ago. I don call her phone many times, she no pick. I go her house, the landlord say she pack and leave. E don cast.

My husband just dey look at me. He no talk anything. But I know wetin dey his mind. I swear to God, I go learn this lesson finally. No more credit for anybody, even if dem bring pastor come my shop.