I don tire for people wey dey call Wizkid lazy

I just dey laugh when I hear people say Wizkid no try. Dem say he dey sleep for studio, he no dey drop album, he just dey collect money and disappear. But the man don win Grammy o. He don fill O2 Arena. He don make music wey the whole world dey jam. Wetin your own favourite artist don do?

For me, Wizkid don carry us for head since 2010. From 'Holla at Your Boy' to 'Made in Lagos', the man just dey level up. No be by dropping song every month. Some people dey confuse noise with success. Wizkid no dey stress himself because he don already win. The man dey play chess while others dey play checkers.

But I know say my people go come for my neck. Some of una go say Davido better. Abi na Burna Boy? Make una talk. Who be the real king of Naija music right now?