Fuel price drop but my pocket still crying

NNPCL don reduce fuel price again o. Second time in four days. My guy wey get car dey happy say him go save some money. But me wey dey take bus every day? The fare still dey the same.

I tell my conductor this morning, 'Oga, fuel don cheaper, why fare no drop?' The man just laugh. He say, 'My friend, you think say we dey do charity?'

Na so we see am. When price go up, everything follow. When price come down, nobody remember. God when our own blessing go drop?