Delta Gov's aide says Akara business better than bank job

Ossai Ovie Success, the media aide to Delta Governor Sheriff Oborevwori, don come out to defend Remi Tinubu over that Akara advice wey cause wahala. The First Lady advise unemployed women to fry Akara and sell roasted corn, and Nigerians scatter am for social media. But Ovie write on Facebook say he dey disappointed for those wey dey look down on Akara business.

According to am, if you fry Akara for good location, after all cost you go make N20 per piece, and if you sell 500 pieces per day, that is N10,000 daily. He calculate am say N60,000 per six-day week and N240,000 per month. He even claim say some people dey make over a million Naira monthly from Akara. He ask say, 'How much again is bank job?' and say Akara business na just three hours daily, not 6 to 6.

I get question: if this Akara money sweet so, why all the politicians dema children dey go abroad to study and work, instead of coming back to fry Akara for our streets? Abi na only common people suppose dey smell smoke?