My guy call me say he don catch his wife cheating with her phone

My friend call me yesterday, voice dey shake. Say he come back from work early, see the wife phone dey ring. The caller ID show 'Mummy'. He pick am, na man voice. The man say 'Darling, when you go tell your husband?' My guy just drop the phone comot house. Now he dey my house for Yaba, dey drink my water, dey ask me what to do. I tell am, na your own matter wey you carry come my door. Wetin I go tell you?

But na so marriage be for this country? Even the phone caller ID dey lie for you. The wife save the side guy as 'Mummy'. Na wa o. If your woman don save your number as 'Daddy' but the real daddy be your neighbor, you go know?