The way we Nigerians dey form celebrity for market 😂

My sister come my shop yesterday, she say "Iya Blessing, you see that new girl wey dey sell shoes for section B? She don buy generator wey bigger pass her shop, she dey play Davido every morning like she dey host concert."

I laugh but e pain me small. Na so we dey. If you no get generator for market, you be nobody. But the woman wey get generator wey pass her capital, she go open her shop by 10am, close by 2pm. Generator dey run, she dey sleep inside.

We just love to suffer and smile. The generator drinking fuel wey pass our profit, but e sweet us to see people turn head when dem hear the music. Wetin be your own market celebrity story? 😂