Kabiru Dogo signs 3-year deal with Niger Tornadoes, fans don dey expect changes

Niger Tornadoes don finally get new technical adviser, na Kabiru Dogo. The man sign three years contract with the Ikon Allah Boys. I remember when he dey manage El-kanemi Warriors last season, he carry them go President Federation Cup final, but dem still chop relegation. That one no be small thing o.

Dogo don coach Nasarawa United and Kwara United before, so e get experience for NPFL. Niger Tornadoes fans wey don dey suffer for years, this appointment fit be the change we need. The club don talk say dem want stability and silverware. Abeg make we see action, no just talk.

If you be Niger Tornadoes fan, wetin you think? Dogo fit bring back the glory days for Minna?