You fit rent battery like you rent generator now, no need buy

Naija don finally enter battery rental market o. bPOWERd just land for Lagos with solar batteries wey you fit rent small small. No need buy generator wey go finish your pocket or inverter wey go cost millions.

300 watt-hour battery rent for 1,500 naira per day, 1000 watt-hour for 3,000 naira per day. You just pay 15k refundable deposit and you dey go. The battery fit power LED, fan, TV, and charge your phone. They get 7 sites for Lagos now, mostly for Mobil filling stations.

This thing don work for South Africa where people dey rent battery instead of buying generator. For our country where fuel price dey cut head and electricity still no steady, this one fit be better option. Abeg who don try am for Lagos? Make I know if the battery fit last night.