Fisayo Dele-Bashiru to Venezia after Man United cool off?

So our boy Fisayo Dele-Bashiru don get new suitor o. Venezia wey just come back to Serie A this season don join the race to sign am. Manchester United wey dem dey link with earlier don cool off, now Lazio ready to sell the 25 year old midfielder.

He score 7 goals with 4 assists in 57 games for Lazio but injuries and inconsistency no let him settle. Lazio president Claudio Lotito go negotiate, the boy still get contract till 2028 so Venezia must pay proper money. Earlier this summer Man United gist was strong because Jason Wilcox wey be their Director of Football know Dele-Bashiru from Man City academy where he spend over 10 years. But dem shift focus to other targets.

Venezia also dey look another Super Eagles star but we no know who. This boy need regular playing time to grow for our national team. Make we see how this one go end before transfer window close.