Nigerian women are the real MVP in every relationship

I don tire for this matter. Every day we dey see men dey complain say their woman no do this, no do that. But when you look the thing well, na the woman dey carry the whole house on her head. From morning to night, she dey cook, clean, take care of the pickins, work, and still dey manage the husband wahala. And the man go just sit down dey watch football or dey drink with friends.

My sister tell me something last week wey make me think. She say her husband come home from work, drop him bag, and just sit down for sofa dey wait for food. She still dey come back from her own work, but she must still enter kitchen. When she complain, the man say "na woman work be that." Kai. I just laugh. Because if woman no dey do that work, the house go scatter. The pickins go hungry. The man go wear dirty cloth to work. But nobody dey clap for her.

I am not saying men no dey try o. Some men dey try well well. But the truth be say, if woman decide to rest for one week, the whole system go crash. So my question be, why we dey pretend say woman contribution no big? Why we dey treat am like say na small thing?