This pastor say Tinubu dey push Islamic agenda, Christians must prepare for self-defence

Rev. Ezekiel Dachomo, the COCIN chairman for Barkin Ladi LGA, don come out strong o. He say President Tinubu using Muslim-Muslim ticket to finish Nigerians and that Christians must wake up. The man talk say he don tell im youths say Christianity must survive and if anything happen to im members, there go be mass revolution for Plateau State.

I no go lie, this matter serious. When I hear am say Fulani militias dey write letter to one of im members say dem coming to kill am, I just shake my head. We don see too much killing for Plateau and nobody dey do anything. The man even say im waiting for arrest because inside police custody go better than outside crying everyday.

But my question be say, this kind talk go make things better or worse? Because when pastor start to talk about self-defence and revolution, wetin dey stop ordinary civilian from taking law into im hand? Be honest, if your own church member receive death threat from militia, wetin you go do?