Baba God when my investment go pay off?

I put money into this small business with my boy from PH. We talk am well well, we plan everything. He say make we start small, I trust am because na my childhood friend.

One month later he don disappear. Him phone dey ring but no answer. I go his house in Yaba, the landlady say he pack go unknown destination.

Na so my savings scatter. Chai. E pain me but I learn say no matter how close the person, make sure your hand dey on the money. Trust na good thing but agreement na better.