Ugo Nwokolo just said yahoo is helping Nigeria's economy

I dey laugh tire when I see wetin Ugo Nwokolo talk o. The man say internet fraud dey help Nigeria economy. See my brother, I get mixed feelings about this one.

On one hand, I understand where he dey come from. When people get money, they spend am. When they spend am, market dey move. My own business for Aba, I get customers wey I suspect dey do yahoo. But I no fit ask dem, na God know. The money still dey spend for my shop, I dey pay my sister's school fees with am.

But on the other hand, this kind talk normalise something wey no suppose be normal. We get people wey want quick money without work. The real hustle, the one wey go build something wey last, that one no get shortcut. God is involved for my own journey, I no fit cut corners again. Wetin una think about wetin Ugo Nwokolo talk?