My husband business partner wife dey call am at midnight, wetin I do?

My people, I need advice. My husband get business partner wey be woman. Na normal thing, I no mind. But last week, I see her call am at midnight. 11:45pm. My husband say na about urgent supply wey don jam for Kano. But why she no fit call during work hours? Why she get my husband number for personal phone?

I confront my husband, he say I dey overthink. He say na business, nothing else. But my mind no rest. This woman, she dey always laugh too much when we meet. She dey touch am for hand small small. I no like am. I tell my husband make he separate business and personal, but he say I dey jealous. Na jealousy or na my instinct dey talk?

Wallahi, I don see too many marriages scatter because of business partner wey turn to something else. I no want make I be the next person. But if I push am too much, I go be the wife wey dey cause problem. Na wetin I do?