Japa people go suffer for abroad, I no dey jealous them at all

My sister wey don stay London for five years just tell me say she dey cry every night because of money. She dey work two jobs, she no get time to enjoy life. Meanwhile she dey post fine pictures for Instagram wey make everybody think say she don make it. I just laugh.

People dey run abroad like say Nigeria na prison. But the truth be say we wey dey here dey hustle and dey eat. I no say life easy here, but at least I dey see my family, I dey chop my mother's food, I dey sleep for my own bed. The person wey dey abroad dey pay rent wey pass my whole salary. Kai.

Make una no misyarn me. I no dey talk say japa bad o. But make we stop pretending say abroad na paradise. The person wey dey suffer for Lagos and the person wey dey suffer for London, na different kind of suffering. But at least for Lagos, your neighbour go greet you. For London, nobody even know your name. Which one better?