Bishop Oyedepo finally talk say Tinubu dey pretend, the bubble about to burst

Bishop David Oyedepo don finally open mouth and talk am say President Bola Tinubu government dey pretend about insecurity and economy. The man say "The president needs to act now and stop pretending. You can't slaughter members of my family and expect me to pray for you. I will pray against you and your household." Na so e talk am for viral video. This one na serious matter o.

Me sef I dey Agege, I fit relate with wetin Oyedepo dey talk. Every day na kidnap, bandit, killer, food price dey high, and government dey act like dem no see anything. The man say "The government is pretending like they don't know what to do. I have been quiet for a long time, but the bubble is about to burst." When bishop wey don keep quiet for long time don reach limit, na serious warning.

Some people go say pastor no suppose talk politics, but when your people dey die everyday and pocket no get money, wetin you expect? The man say Nigerians wey don suffer for long time no go remain silent again. Abi na lie? Be honest, you think say Oyedepo talk correct or he suppose just dey pray and keep quiet?