Amaechi don vex for Tinubu over Onaiyekan insult, e talk say dem dey abuse our faith

Rotimi Amaechi, the ADC presidential running mate, don fire back at President Tinubu and im media team yesterday. E say dem dey insult Cardinal Onaiyekan and the whole Catholic Church. Amaechi talk am for Channels TV Politics Today, e say the bishops wey come see the President, dem no be small boys. E talk say, "When you look at the bishops of the Catholic Church and insult them, most bishops are equivalent to a governor of a state." E even use Port Harcourt and Sokoto as example, say the bishop dey cover the whole state just like governor.

But the part wey make me laugh na when e talk say, "The President of a country tells the country that all is fair in politics. So, if a thug takes a gun and shoots me where I'm voting, is that fair?" Amaechi don talk say if the President want private meeting, no camera go dey there. E don also call out Bwala, say the guy dey insult a Cardinal, somebody wey fit don become Pope or vote for Pope. This one no be small matter o. When dem touch your faith, e go pain you. Una think say Amaechi talk too much or e get point?