Davido say nobody fit beat am for election, but he no get time for Nigeria politics

Davido don talk say nobody fit beat am for free and fair election for Nigeria, but e no get time for the kind politics wey we dey practice now. During one livestream with Cater Efe, the singer talk say: "Nigeria wey dem dey write result? I no get time for all those ones. Because I no be all those ones wey you go cheat me, I go go sleep for house. I will do something to you If you cheat me."

E say make we just focus on music until there be transparency, then e fit contest. But the way e talk am, e still dey observe the upcoming Osun gubernatorial election. "I waiting to see what they will do in the upcoming Osun gubernatorial election. We are wailing," e add.

Una see how e take say "we are wailing"? That one still dey make me laugh. But seriously, if Davido run today, e fit win? Be honest, which party e go join? Let's argue this.