Imran Wakili don warn say Tinubu fit write 2027 result, nobody go talk

Political commentator Imran Wakili don drop serious talk for X today, saying President Bola Tinubu don dey do wetin im want since and nobody dey challenge am. According to am, Tinubu suspend sitting governor, don keep El-Rufai for detention 170 days over bailable offence, and now dey freeze Osun State Government account, all without any consequence.

Wakili talk say, “Bola Tinubu suspended a sitting governor, and nothing happened. He got away with it, regardless of what the Constitution says.” He also say if Tinubu want third term, National Assembly go approve am, because opposition legislators na “cowards” and “hungry hypocrites” wey go shout “AYE” for am.

This one na serious matter o. If one man fit do all these things and nothing happen, wetin go stop am from writing im own election result for 2027? Una wey dey read this, una still believe say election go be free and fair? Abi we just dey manage like Wakili talk?