Japa or Stay? Naija no be heaven but na our home, abeg

See ehn, all this talk about japa wey dey trend, I just dey laugh. My brother, I don travel before, I go London for one conference for 2019. The cold nearly finish me. Na so I come back go thank God for Lagos sun.

People dey complain about light, about road, about everything. But tell me, where for this world you go find food wey sweet like this? Where you go see people wey go laugh with you even when things hard? The hustle dey real, but the joy dey real too. I no say foreign land get better money, but e get better life? I dey ask.

My own take be say, if you get skill and opportunity, go try am. But make you no forget where you come from. Lagos go still dey here when you come back. Abi na only those wey don japa dey see progress? Wetin you think?