Naira don bounce back but my supplier still dey use old rate talk to me

I dey check the exchange rate this morning, naira don appreciate small against dollar. My guy for Lagos still dey price goods like dollar don reach 1500. I tell am make he check the news, he say 'na the rate wey I buy am'.

This thing e dey pain me because we for Aba dey feel am pass. Every time dollar move, market go adjust. But when naira improve, na only God go see the change for prices. My supplier for Onitsha no go even mention am.

I just dey laugh because na the same way we dey do ourselves. Nobody wan lose money. But if una get supplier wey dey adjust with market, hold am tight. Na the real ones dey survive this economy.