Super Falcons coach don talk am, NFF must wake up!

Justine Madugu don finally talk the truth, say Nigeria cannot just dey expect victory without doing the work. He talk am for pre-match presser, say other African countries dey invest plenty for women's football, and we dey isolate ourselves. E say, 'People are doing a lot to develop their own. We cannot be in isolation we must also try as much as possible to make sure that we develop a lot of things.'

Make we face reality, we just crash out of WAFCON for quarter-final, first time for 28 years we no dey play for medal. And now we dey fear say we go miss World Cup, the only African team wey don play every edition. NFF don dey sleep, dem dey manage us with prayers and hype, but other countries dey build proper structures.

This must-win match against Banyana Banyana today, we need to show character. But even if we win, NFF must hear am, we cannot continue like this. Abi una no see am?