Pastor turned babalawo? Na wa for this country oh

See ehn, I just read about this pastor wey abandon Christianity to become babalawo. I dey laugh but e dey pain me at the same time. How many people wey don follow this man go church for years, dey pay tithe, dey believe say God go answer dem through am? Now the man say he don see light, but the light na different kind.

I don see plenty things for court wey concern fake pastors before. People dey bring case say pastor collect their land, collect their wife, even collect their sense. But this one wey the pastor himself say na babalawo he want be, na level wey I never see. The law say you get right to worship as you like, but if you don collect people money for one thing and now you change to another thing, those people fit sue you for fraud. I dey tell you, the court go hear am.

My advice? Before you follow anybody for spiritual matter, check their fruit. If the fruit na money, car, and big house, run. God no dey do poverty, but He no dey use people pocket as condition.