Fuel Don Hit ₦1,450 For Abuja And We Still Dey Smile

Petrol don reach ₦1,450 per litre for Abuja filling stations today, and for Lagos e dey between ₦1,380 and ₦1,400. Ibadan outlet join the party at ₦1,370. Dangote Refinery increase gantry price from ₦1,265 to ₦1,350, and Brent crude cross $100 per barrel because of Middle East tension.

Make I talk true, this thing no be only about fuel. Every item wey enter Aba market, wey enter Onitsha, wey enter Kano, na fuel carry am come. So when fuel price climb, garri, tomato, transport, even my tailoring thread, everything go follow climb.

Atiku Abubakar ask Tinubu make e account for the subsidy savings, and ASUU President Chris Piwuna say strike dey load if government no pay salaries and implement agreement. So tell me, with this kind price, how person wey dey earn ₦70,000 take survive?