N3,000 a day? Reno Omokri should come and live in my house for one week

Reno Omokri say average Nigerian can live on N3,000 daily. I read am this morning for my shop, phone still dey my hand. I just laugh. Not because the man dey lie, but because the man never carry bag of rice for his own shoulder.

Make I break am down for you. N3,000 a day na N90,000 a month. If you dey rent self-con for Aba, that one alone fit chop N25,000. NEPA bill, water, transport to market and back, that na another N30,000 if you no get okada. You never buy garri. You never buy gas. You never send money give your mama for village. So where the remaining N35,000 wan carry you reach?

I no dey vex for the man. He mean well. But living on N3,000 and surviving on N3,000 na two different things entirely. One na calculation, the other na testimony. Which one you dey do?