Generator don turn my neighbour into a part time musician and we no fit sleep

My neighbour buy new generator last month. The thing loud pass church keyboard. Every night by 10pm, him go on am and the whole street go start to vibrate. Landlord no talk because na him brother inlaw sell am.

The wahala no be the noise. Na the way him dey do like say him dey perform concert. Him go stand beside the machine with wrapper tied for chest, dey fan himself like say him be sound engineer for Davido show. Yesterday him come outside with one small stool, sat down, and started drinking malt like say him dey watch football for viewing centre. Meanwhile the generator dey do brrrr brrrr brrrr.

I con ask am why him no just buy small inverter. Him look me like say I insult him late father. "Inverter na for people wey no get money for fuel," na wetin him tell me. So noise don become status symbol for my street. If your generator quiet, people go think say you dey manage.

Abeg, na only me dey notice this thing or other people street dey suffer the same fate?