My daughter ask me for ₦50k for handbag, I show her my market book

My second daughter come meet me last week. She say mummy I need fifty thousand for one handbag. One bag. Fifty thousand.

I no talk. I just open my market book and show her the page where I write my tomato cost. Forty five thousand for one basket. Before transport. Before task force money. Before I sell one single one.

She look the book, she look me. I tell her my child, if you carry that bag enter Mile 12, na the same bag wey go carry your name when they rob you. Handbag no dey pay rent.