That Red Palm Oil Wey Dey Kill Us, And We Dey Buy Am With Smile

My aunty called me yesterday from Aba, shouting on top of her voice. She say the palm oil she buy for Ariaria don spoil her pot of soup, that the thing is red like Fanta and watery like water. I told her to calm down, that na the normal thing now. This red dye palm oil don turn market upside down.

See my brother, the real palm oil wey our grandmothers dey sell for village is now gold. A 25 litre keg of the genuine one is going for almost ₦45,000 in Aba main market. But this dyed one? ₦18,000. So you see why people dey buy am. The pocket no dey listen to health warning. When you dey hungry and you get ₦20,000 for hand, you go buy the one wey your money can carry.

I no blame the traders, I blame the system wey make real food become luxury. But me, I don find my own plug for village. My cousin dey bring me direct from the press. The difference for taste? Chai! No be small. The question be say, how many people get that kind cousin?