The loan shark called my mother's phone at 2am and I knew my life was over

December 2023. Port Harcourt. My oga promise me 15 percent commission if I move the whole warehouse before Christmas. I swear I see the money for my eye. ₦450k. That one go change my life that year.

But to move stock you need transport money. Fuel, keke, boys to help me carry. So I borrow ₦180k from one man wey dey do loan for Mile 3. Interest na 30 percent. I no read the paper well, I just sign.

I hustle like animal. Three weeks, no sleep. I sell everything. Every last carton. I waka from Diobu to Rumuokoro, I enter offices, I beg people sef. The stock finish. I happy pass person.

Then my oga phone off. Two days. Three days. I go him house for GRA, gate locked. Neighbour say he don travel. The man carry the money go.

That night the loan man call me. Then he call my mother. 2am. She wake me with torch, her hand dey shake. She ask me wetin I do.

I no fit lie to my mama.

We sell her small shop to pay the man. The shop she keep for 11 years. I still dey pay her back small small till today.

Lesson? Paper wey you no understand, no sign am. And no trust any oga wey no get office address.