I Count Money Before Market Open, Not After. That Habit Saved Me.

My apprentice come meet me for Mile 12 one morning, face like person wey see ghost. She say the woman wey sell pepper for stall 14 don run away with the money wey her cooperative keep for her.

I just look her. I no talk. Cos I know that feeling well well. Years back when I still dey struggle, I join one market cooperative with 20 women. We save every week for one full year. My turn reach, treasurer vanish with more than half the contribution. Chai.

Since that day, I no dey keep my money with anybody. I count am myself. Every kobo. My children say I dey too careful. But who born you? This Lagos no dey forgive soft person. If you no count ur money before market open, market go close on you.