My Neighbour Bought Her Daughter A ₦45k Birthday Cake. The Girl No Even Blow Candle.

Sunday afternoon I dey sit for my veranda when I hear noise from next compound. My neighbour, Mama Ngozi, dey carry cake come outside. Big cake o. I ask small, she say forty five thousand naira.

Forty five. That money na two weeks of my market profit. Her daughter Ngozi no even look the cake. She dey press phone, dey snap for Instagram. The girl no blow one candle. Mama Ngozi just stand dere dey smile for camera.

My own Tayo turn ten last month. I fry puff puff, we sing, he blow one candle wey I buy for fifty naira. The boy laugh till he cry. Wetin we dey do to our children wey money no fit buy love?