If You No Fit Cook, Marry A Woman Wey Sabi, Not One Wey Dey Learn

Wallahi, I dey hear people talk say every woman must learn to cook before marriage. I no agree. My own position na this: if you no sabi cook, hire somebody or marry person wey sabi. No force yourself.

My mother cook for my father for 40 years. She no complain. But me? I get company to run, two children, and a husband wey no send whether na jollof or beans. The day I hire cook, my marriage improve. No be every woman get time to dey pound yam after work.

So make una no let anybody guilt you. If you no sabi cook, no be curse. But if you sabi, no let anybody tell you say na only you must cook. Abi no be the same mouth wey dey chop go talk say food sweet?

Which side you dey? You go marry person wey no sabi cook or you go learn before you marry?